28 сакавiка 2024, Чацвер, 20:12
Падтрымайце
сайт
Сім сім,
Хартыя 97!
Рубрыкі

Абаронца Курапатаў Дзмітрый Казакевіч: Дзякуй усім за падтрымку

5
Абаронца Курапатаў Дзмітрый Казакевіч: Дзякуй усім за падтрымку
ФОТА: ONLINER.BY

Актывіст, якога збіў аўтамабіль, гатовы зноў змагацца за нацыянальны мемарыял.

Увечары 12 снежня актывіст Дзмітрый Казакевіч быў збіты аўтамабілем ля рэстарацыі «Поедем поедим» каля мемарыяла ахвярам палітычных рэпрэсій у Курапатах.

Дзмітрый Казакевіч пасля здарэння апублікаваў кароткае відэа, у якім распавёў, што ў яго пасля сутыкнення баляць рука і нага. Як паведаміў іншы абаронца Курапатаў Анатоль Навумовіч, Казакевіча адвезлі ў лякарню ў Бараўлянах з падазрэннем на пералом нагі, паведамляе «Радыё Свабода».

А 12-й ночы Казакевіч напісаў, што ўжо знаходзіцца дома, пералому нагі няма.

Навумовіч тым часам заявіў аб «хвалі правакацый» супраць абаронцаў Курапатаў: у той жа дзень былі затрыманыя адзін з лідараў акцыі пратэсту Павел Севярынец і актывіст Сяргей Аненкаў, якія нібыта «не падпарадкоўваліся законным патрабаванням» супрацоўніка ДАІ (Севярынец перад затрыманнем паспеў заявіць, што такога не было). Імаверна, Севярынца і Аненкава будуць судзіць 13 снежня - ноч яны правялі ў ізалятары УУС Менскага раёна.

Таксама Навумовіч сцвярджае, што ў Лагойскім раёне збіраліся затрымаць актывіста Дзяніса Урбановіча, але той «паспеў уцячы».

Напісаць каментар 5

Таксама сачыце за акаўнтамі Charter97.org у сацыяльных сетках