У Гішпаніі на 22% падвысяць мінімальны заробак

Гэта будзе самае значнае падвышэнне «мінімалкі» з 1977 года.

У сераду, 12 снежня, прэм'ер-міністр Гішпаніі Пэдра Санчэс абвясціў аб тым, што ў краіне мінімальны заробак вырасце на 22%, «пачынаючы з 2019 года», піша RFI.

Як паведаміла AFP, кіраўнік гішпанскага ўрада мае намер прыняць адпаведную пастанову на пасяджэнні ўрада ў Барселоне 21 снежня.

«Гэта будзе самае значнае падвышэнне» мінімальнай сумы аплаты працы за сорак з лішнім гадоў, «з 1977 года», - падкрэсліў Пэдра Санчэс.

Мінімальны заробак у Гішпаніі вырасце з 858 да 1050 еўраў (без уліку падаткаў і збораў).