Фясенка: Зяленскі стаў сур'ёзным выклікам не толькі для Парашэнкі, але і патэнцыйна для Цімашэнкі

Феномен Зяленскага і Вакарчука цікавы тым, што за іх збіраюцца галасаваць людзі, якія не давяраюць усім палітыкам.

Кіраўнік студыі «Квартал 95», актор Уладзімір Зяленскі стаў сур'ёзным выклікам для іншых патэнцыйных кандыдатаў у прэзідэнты Украіны, заявіў у каментары «РБК-Украіна» старшыня праўлення Цэнтра прыкладных палітычных даследаванняў «Пента» Уладзімір Фясенка.

«Ужо некалькі месяцаў запар у Зяленскага назіраецца станоўчая дынаміка, і ён выйшаў на другое месца. Гэта пацягне за сабой атакі супраць яго з боку іншых фаварытаў. Таму што ён стаў сур'ёзным выклікам не толькі для [прэзідэнта Украіны] Пятра Парашэнкі, але і патэнцыйна для Юліі Цімашэнкі, калі казаць пра другі тур. Думаю, Юлія Уладзіміраўна больш хацела б бачыць у другім туры Пятра Аляксеевіча або [прадстаўніка «Апазіцыйнай платформы - За жыццё», народнага дэпутата] Юрыя Бойку», - мяркуе экспэрт.

Бліжэй да выбараў адрыў Зяленскага ад Парашэнкі можа змяніцца, адзначыў ён.

«Яшчэ больш за тры месяцы кампаніі. Рэйтынгі вагаюцца. У канцы студзеня і ў пачатку лютага будзе больш аб'ектыўная карціна, таму што спрацуе фактар выплатаў за ацяпленне», - выказаў меркаванне Фясенка.

Музыку Святаслава Вакарчука, гэтак жа, як і Зяленскага, выбарцы ўважаю новай асобай, але рэйтынг Вакарчука асеў праз тое, што няма разумення, ці будзе ён удзельнічаць у выбарах, дадаў палітолаг.

«Феномен Зяленскага і Вакарчука цікавы тым, што за іх збіраюцца галасаваць людзі, якія не давяраюць усім палітыкам, а не толькі ўладзе, - адзначыў ён. - Ваганне Вакарчука прывяло да таго, што значная частка яго патэнцыйных прыхільнікаў ужо наважылі, што ён не пойдзе на выбары. І, думаю, адна з прычын павышэння рэйтынгу Зяленскага як раз звязаная з тым, што частка былых прыхільнікаў Вакарчука перайшла на яго бок».

Паводле апошніх звестак Кіеўскага міжнароднага інстытута сацыялогіі, у тройцы лідараў рэйтынгу патэнцыйных кандыдатаў у прэзідэнты Украіны - Цімашэнка, Зяленскі і Парашэнка, пры гэтым адрыў Зяленскага ад Парашэнкі склаў 3%.