Еўрапарламент ухваліў далучэнне Румыніі і Балгарыі да Шэнгену
- 11.12.2018, 19:58
- 7,908
Адпаведная рэзалюцыя была ўхваленая сёння.
Еўрапейскі парламент у аўторак ухваліў рэзалюцыю, якая падтрымлівае заяўкі Румыніі і Балгарыі на далучэнне да Шэнгенскай зоны, нягледзячы на адсутнасць кансэнсусу паміж сябрамі Еўрапейскай рады.
Пра гэта піша eurointegration.com са спасылкай на Balkan Insight.
Згодна з дакументам, далучэнне да Шэнгенскага пагаднення не павінна быць звязана з вяршэнствам права ў абедзвюх краінах.
У рэзалюцыі таксама ўтрымліваецца заклік да Рады актывізаваць працэс прыняцця пастановы ў справе Харватыі.
З 2011 года гэта ўжо пятая рэзалюцыя Еўрапарламента з рэкамендацыямі аб прыняцці Румыніі і Балгарыі ў Шэнгенскую прастору.
Прэзідэнт Еўракамісіі Жан-Клод Юнкер таксама заявіў, што Румынія рызыкуе працэсам далучэння да Шэнгенскага пагаднення ў выпадку працягу ўрадавай праграмы ўкаранення супярэчлівай рэформы ў сферы судаводства.