Козак не стаў абмяркоўваць з дэлегацыяй з Беларусі падатковы манеўр і зніжку на газ

Віцэ-прэм'ер РФ адмовіўся размаўляць на гэтыя тэмы з Сямашкам.

Віцэ-прэм'ер РФ Дзмітрый Козак у аўторак на сустрэчы з дэлегацыяй з Беларусі не стаў абмяркоўваць кампенсацыю страт ад падатковага манеўру і выдавання скідкі на газ, паведаміла «Интерфаксу» крыніца, блізкая да перамоў.

З ягоных слоў, віцэ-прэм'ер не ўважае магчымым абмяркоўваць гэта «да прыняцця прынцыповых пастаноў аб руху ў кірунку далейшай інтэграцыі Расеі і Беларусі ў рамках «саюзнай дзяржавы».

З ягоных звестак, сустрэча прайшла ў вузкім складзе, ад беларускай дэлегацыі ў ёй узялі ўдзел віцэ-прэм'ер Ігар Ляшэнка, які курыруе ТЭК, і амбасадар у Расеі Уладзімір Сямашка.

Прэс-сакратар віцэ-прэм'ера Ілля Джус пацвердзіў «Интерфаксу» факт сустрэчы, але каментаваць дэталі адмовіўся.

На мінулым тыдні падчас пасяджэння еўразійскага эканамічнага савета Лукашэнка звярнуў увагу на розныя ўмовы цэнаўтварэння для беларускіх і расейскіх спажыўцоў газу. З ягоных слоў, для беларускіх спажыўцоў паліва каштуе $130 за тысячу куб м, тады як для расейскіх - $70 (у суседняй Смаленскай вобласці). На гэта прэзідэнт Расеі Уладзімір Пуцін адказаў, што калі б для Беларусі быў рынкавы кошт газу, ён бы быў пад $200 за тысячу куб. м, а не $130, і прапанаваў працягнуць дыскусію аб кошце газу пазней у закрытым рэжыме. Пасля Лукашэнка расказаў, што папрасіў прабачэння перад Пуціным за тое, што ў «нядобрай форме» ініцыяваў дыскусію ў газавым пытанні.

Паводле ацэнкі беларускага Мінфіна, страты бюджэту ад рэалізацыі падатковага манеўру ў РФ у 2019 годзе складуць блізу $300 млн, зыходзячы з кошту нафты на ўзроўні $70 за барэль.

Паводле звестак канцэрна «Белнафтахім», пры захаванні такога сусветнага кошту нафты рэалізацыя ў Расеі падатковага манеўру прывядзе да штогадовага падаражання нафты для Беларусі больш чым на $20 за тону.

Бакі разглядалі два варыянты кампенсацыі - зніжэнне кошту нафты для Беларусі ці прамы міжбюджэтны трансферт.

Гадавы баланс паставак нафты з Расеі ў Беларусь складае 24 млн тон. Фактычна Менск закупляе 18 млн тон, астатнія 6 млн тон ідуць на экспарт, гэта значыць у беларускі бюджэт пералічваюцца экспартныя мыты з гэтага аб'ёму. Такая схема была ўзгоднена бакамі ў красавіку 2017 года.

Згодна з ацэнкай экспэртаў Сусветнага банка, Беларусь будзе вымушана скарачаць выдаткі бюджэту, калі не дасягне дамоўленасцей з Масквой аб кампенсацыі даходаў праз падатковы манеўру ў Расеі.