Сідарэнка: У нас хакеісты ў КХЛ забіваюць 1-2 гола, чаго чакаць тады на міжнароднай арэне?

Галоўны трэнер нацыянальнай каманды Беларусі распавёў пра задачы на турніры ў Нарвегіі.

Галоўны трэнер каманды Беларусі Андрэй Сідарэнка распавёў пра задачы на турніры ў Нарвегіі, дзе з 13 да 15 снежня каманда правядзе тры таварыскія матчы, паведамляе «Трибуна».

- Тры гульні запар нас чакае, хочам праверыць хакеістаў, даць магчымасць усім згуляць. Таксама хочам паглядзець на спаборнікаў, якія вызнаюць розныя стылі. Хатні турнір паказаў, што нам трэба трошкі перабудоўваць гульню. Акцэнты будуць зробленыя на хуткасць, камандныя ўзаемадзеянні. Я думаю, што мы сабралі наймацнейшых хакеістаў з рэспублікі і хлопцаў трэба нагульваць.

- Які моцны бок у нацыянальнай каманды?

- Моцным бокам павінен быць калектыў і камандны дух.

- Ён ёсць?

- Будзем спадзявацца. Калі мы захаваем атмасферу, якая была на хатнім турніры, то я думаю, што ўсё будзе добра. Пры гэтым каляндар нам жорсткія рамкі паставіў. Цяпер паглядзім, як хто сябе праявіць.

- Кітараў і Гаўрус не могуць забіць у КХЛ 52 матчы запар, Паўловіч - 19. Што трэба зрабіць, каб гэтых хакеістаў «рэанімаваць», каб іх нарэшце прарвала на галы?

- Калі закранаць «Дынама», то мы вельмі мала забіваем. У нас хакеісты ў КХЛ забіваюць 1-2 гола, чаго жадаць тады на міжнароднай арэне? Тут ёсць праблема і пра гэта трэба казаць, таму што няма такіх адораных форвардаў, як былі Кавалёў, тыя ж Касціцыны, якія павінны весці за сабой і забіваць. У атацы моцы недастаткова. У той жа час, трэба будзе па-іншаму будаваць гульню, дзейнічаць больш агрэсіўна пад брамай і дастаўляць туды шайбу. Іншага варыянту няма.

- У абойме каманды два брамнікі - Асіпкоў і Карнавухаў. У Нарвегіі будзе згуляна тры матчы. Ці атрымае шанец Асіпкоў?

- Хачу паглядзець на Карнавухава, яму не хапае гульнявой практыкі. Тым не менш мы даем яму гуляць у КХЛ, каб ён набыў упэўненасць. Вельмі важна, як каманда будзе з ім выглядаць два матчы. А вось на трэці паядынак паглядзім, хто згуляе ў «рамцы», - сказаў Сідарэнка.

Нагадаем, што на турніры ў Нарвегіі каманда Беларусі згуляе з гаспадарамі (13 снежня), з Францыяй (14) і з Вугоршчынай (15).