Пасажырка: Самалёт «Белавія» заглух у Кіеве, нас развярнулі
18- 11.12.2018, 16:18
- 16,288
У бартавым кампутары знайшлі памылку.
Дзяўчына збіралася з Кіева ў Менск, які выкарыстоўваўся ў якасці транзітнага пункта. Набыла квіток на «Белавія», піша onliner.by. Пагрузілася на борт, а потым трапіла ў стрэсавую сітуацыю: «Нас пасадзілі ў самалёт, мы пайшлі на ўзлёт, і самалёт заглух. Проста заглух. Святло згасла, перастала працаваць вентыляцыя. Капітан паведаміў аб няспраўнасці. Нас вяртаюць назад». Затым былі некалькі сторыс і адмова карыстацца паслугамі беларускага возніка. Яго прадстаўнікі патлумачылі, што адбылося.
Вось першая гнеўная сторыс.
Далей ідуць сторыс ужо з тэрміналу (пракруціць можна тут). Дзяўчына вызначыла не ляцець на беларускім самалёце і папрасіла аддаць ёй багаж. Калі верыць наступнай сторыс, то адмоўнікаў было сем. Спатрэбіўся час, каб перабраць загружаны багаж і знайсці патрэбны. Самалёт паляцеў пасля праверкі. Дзяўчына засталася ў Кіеве, каб раніцай ляцець іншымі авіялініямі.
Крыху пазней дзяўчыне ў дырэкт адказалі прадстаўнікі кампаніі:
«Авіякампанія «Белавія» прыносіць свае прабачэнні за сітуацыю, у якую вы патрапілі. Мы вельмі шкадуем аб тым, што вам давялося перагледзець свае планы праз здарэнне. Учора, у аэрапорце «Барыспаль», пры буксіроўцы на пункт запуску, камандзір заўважыў памылку ў бартавым кампутары самалёта. Экіпажам была прынятая пастанова вярнуцца назад на стаянку для праверкі ўсіх сістэм. Інжынерна-тэхнічнай службай быў праведзены агляд самалёта і праз 2,45 хвілін [2 гадзіны 45 хвілін] самалёт адправіўся ў рэйс. Яшчэ раз прыносім свае прабачэнні за ўзніклую сітуацыю, спадзяемся ўбачыць вас на борце авіякампаніі ў будучыні!»