Пяць простых спосабаў падвысіць імунітэт

Лекары падзяліліся рэкамендацыямі, якіх яны самі пільнуюцца.

Існуе шмат спосабаў падвысіць зімой імунітэт, але якія з іх простыя ў выкананні і пры гэтым эфектыўныя? Лекары падзяліліся рэкамендацыямі, якіх яны пільнуюцца самі, паведамляе healthinfo.ua.

Просты спосаб падвысіць імунітэт №1: дадаваць ва ўсе стравы часнок. Карысць часнаку звязана з утрыманнем жыццёва важнага хімічнага злучэння аліцыну. Але важна памятаць: аліцын з’яляецца пры разразанні зубчыкаў. Гэты кампанент дапамагае змагацца з прастудай, кашлем і зніжае крывяны ціск.

Просты спосаб падвысіць імунітэт №2: выкарыстоўваць прабіётыкі. Прабіётыкі падтрымліваюць высокі ўзровень карысных бактэрый у ЖКТ, а менавіта ў кішэчніку засяроджаная вялікая частка імуннай сістэмы. Каб арганізм атрымліваў прабіётыкі, трэба ўключыць у рацыён кісламалочныя і ферментаваны (квашаная) прадукты.

Просты спосаб падвысіць імунітэт №3: піць гарбату з імберцам. Імбір - эфектыўны стымулятар ахоўных уласцівасцяў арганізма. У яго склад уваходзяць вітаміны А, С і В, мінеральныя рэчывы (жалеза, магній, цынк, кальцый) і раслінныя кіслоты: гэты комплекс дапамагае імунным клеткам больш актыўна знішчаць паталагічныя клеткі, вірусы і бактэрыі.

Просты спосаб падвысіць імунітэт №4: прымаць вітамін D. Гэты важнейшы вітамін арганізм вырабляе яго пад уздзеяннем сонечных прамянёў. Адпаведна, узімку яго сінтэз памяншаецца. Для яго папаўнення варта ўжываць ялавічную печань, сыр, яечныя жаўткі, а таксама прадукты, са штучным узбагачэннем вітамінам D (напрыклад, малако, апельсінавы сок і ёгурты).

Просты спосаб падвысіць імунітэт №5: займацца спортам. Даследаванні паказваюць, што фізічная актыўнасць дапамагае знізіць рызыкі вострых рэспіраторных інфекцый больш чым 20%. Аднак заняткі спортам не павінны быць стомнымі, інакш стрэс, які арганізм адчувае зімой, - узмоцніцца.