Дар'я Навумава стала віцэ-чэмпіёнкай свету ў цяжкай атлетыцы
- 8.11.2018, 18:10
- 8,084
Беларуска здабыла срэбра ў дваяборстве ў катэгорыі да 81 кг.
Беларуская цяжкаатлетка Дар'я Навумава здабыла срэбра па суме дваяборства на чэмпіянаце свету-2018 у вагавой катэгорыі да 81 кг. Золата здабыла гішпанка Лідзія Валянцін, бронза дасталася Тамары Салазар Арсе з Эквадора, паведамляе «Прессбол».
Наша суайчынніца таксама падзяліла малы залаты медаль у штуршку, падняўшы штангу вагой 137 кг.
Чэмпіянат свету 2018. Жанчыны, - 81 кг
1. Лідзія Валянцін (Гішпанія) - 249 (113 + 136) кг
2. Дар'я Навумава (Беларусь) - 245 (108 + 137) кг
3. Тамара Салазар Арсе (Эквадор) - 242 (105 + 137) кг
