У Менскім метро зламаўся цягнік з пасажырамі
5- 8.11.2018, 14:09
- 13,922
Рух на 1-й лініі метро быў спынены.
У менскім метро сёння на 12 хвілін спыняўся рух цягнікоў на першай (Маскоўскай) лініі - з 12.48 да 13.00. Прычынай называюць «няспраўнасць рухомага складу», паведамляе euroradio.fm.
Пра здарэнне паведамілі ў сацсетках пасажыры метро. Ivan Pažytnych у «Твітэры» напісаў, што цягнік з праблемамі з'ехаў са станцыі «Плошча Леніна» ў бок станцыі «Інстытут культуры». Перад станцыяй цягнік спыніўся і некаторы час стаяў. Потым ён паехаў, «моцна хістаючыся», як адзначыў пасажыр.
Прэс-служба метрапалітэна паведаміла ў сацсетках, што рух быў адноўлены а 13.00, і папрасіла прабачэння ў пасажыраў за часовыя нязручнасці.
Цягнік @MinskMetroNet стаў паміж Леніна і Інстытутам і не едзе далей. @tutby @OnlinerBY
— Ivan Pažytnych (@Drapegnik) 8 ноября 2018 г.
8.11.2018 в 12.48 было остановлено движение по 1-й линии метрополитена в связи с неисправностью подвижного состава. В 13.00 движение восстановлено.
— Минский метрополитен (@minskoemetro) 8 ноября 2018 г.