Лукашэнка 7 лістапада раздаў міліцыянтам больш за сотню новенькіх кватэр
22- 7.11.2018, 21:35
- 37,751
Адміністрацыя Заводскага раёна назвала гэтую падзею «святам».
У верасні на сталічнай вуліцы Магнітнай - гэта ў Паўночным пасёлку - здалі 16-павярховы «слупок». З вялікім добраўпарадкаваным дваром, трохпавярховым паркінгам на 80 машын і веласіпеднай паркоўкай, піша kp.by.
Паводле пастановы Менгарвыканкама жыць там будуць сям'і 111 супрацоўнікаў ГУУС, 10 з якіх - шматдзетныя. Акрамя таго, 90 удзельнікаў долевага будаўніцтва скарысталіся дзяржпадтрымкай у выглядзе субсідый на выплату адсоткаў за крэдыты, а шматдзетныя сем'і - на выплату адсоткаў і асноўнай пазыкі.
Сем'ям сілавікоў выдалі 48 аднапакаёвак, столькі ж - двухпакаёвак і 15 трохпакаёвых кватэр. Адміністрацыя арганізавала яскравую падзею з уручэннем ключоў і розыгрышам прызоў.
- Гэта добрая традыцыя - адкрываць розныя сацыяльныя аб'екты і ўводзіць жыллё да 7 лістапада. А ў нашым выпадку свята і зусім атрымалася двайны, - цытуе БелТА прадстаўнікоў адміністрацыі Заводскага раёна.