Лідар «Чэлсі» Эдэн Азар прыляцеў у Беларусь на матч з БАТЭ
1- 7.11.2018, 20:03
- 9,181
Матч БАТЭ - «Чэлсі» адбудзецца на «Барысаў-Арэне» 8 лістапада і пачнецца а 20.55.
Гульцы і персанал лонданскага "Чэлсі" прыляцелі ў Беларусь, дзе 8 кастрычніка "пенсіянеры" згуляюць з БАТЭ ў матчы групавога этапу Лігі Еўропы. У выязны склад ангельскай каманды трапіў паўабаронца Эдэн Азар, паведамляе pressball.by.
Раней брытанскія СМІ паведамлялі, што лідар "Чэлсі", які мае праблемы са спінай, застанецца ў Лондане.
Выязны склад "Чэлсі" выглядае так:
Настаўнік "Чэлсі" Маўрыцыё Сары на прэс-канферэнцыі перад матчам Лігі Еўропы з БАТЭ расказаў, ці змогуць узяць удзел у сустрэчы Эдэн Азар і Сеск Фабрэгас.
- Марата згуляў тры матчы запар. Я наважыў, што яму трэба адпачыць, таму ён застаўся дома. Ніякай траўмы няма. Невялікае пытанне што да Сэска Фабрэгаса. Сёння ў яго была тэмпература, ён адпачываў. Гэта тое, што выклікае асноўныя пытанні перад заўтрашнім матчам.
- У якім стане знаходзіцца Эдэн Азар?
- Лекары дазволілі яму прыляцець з камандай, ніякай рызыкі тут яны не бачаць. Я мяркую, што ён мае атрымліваць пэўную гульнявую практыку. У апошнім матчы Эдэн адгуляў 30 хвілін, цяпер думаем, ці зможа ён правесці 45-50 хвілін.
Матч БАТЭ - "Чэлсі" адбудзецца на "Барысаў-Арэне" ў чацвер, 8 лістапада, і пачнецца а 20.55.