Аляксандра Сасновіч: Хацела кінуць тэніс, а мама кажа: «Будзеш памідорамі гандляваць?»

Беларуска распавяла, як пераходзіла з юніёрскага тэніса ў дарослы.

Беларуская тэнісістка Аляксандра Сасновіч распавяла, што ў юнацтве разважала над завяршэннем кар'еры, піша «Трибуна».

«Перыяд пераходу з юніёрскага тэніса ў дарослы быў няпростым. Мне пашанцавала, што побач быў тата. На самай справе я нават хацела заканчваць з тэнісам. Быў такі момант. Пасля «Ралан Гароса», калі саступіла бразільянцы, кажу: «Усё, я сканчаю». Мама кажа: «Што ты будзеш рабіць? Памідорамі гандляваць?» Абдумвала тыдзень - тата кажа: «Мне такога не трэба: ці ты заканчваеш назаўжды, або працягваеш гуляць», - успомніла Сасновіч.