У Лідзе выпусцілі лімітаваны квас са смакам грушы
5- 6.11.2018, 18:43
- 14,342
Навінка «Марозная груша» будзе даступная ў крамах да канца лютага 2019 года.
Кампанія «Лідскае піва» выпусціла лімітаваную серыю зімовага квасу са смакам грушы. Навінка «Марозная груша» будзе даступная ў крамах да канца лютага 2019 года, паведамляе belmir.by.
Напой уяўляе сабой сапраўдны квас браджэння са спецыяльна распрацаванай да зімы рэцэптурай. У якасці асновы - хлебны квас, а класічныя складнікі дапаўняюць натуральныя экстракты грушы, міндаля і ванілі.
Яны надаюць квасу прыемны водар і адмысловы смак садавіны з рэзкімі нотамі, што заклікана падняць настрой у марознае надвор'е.
Як паведамляецца, новы напой не ўтрымлівае кансервантаў. Ён даступны ў двух фарматах - бутэльках на 1,5 і 0,5 літра. У дызайне ўпакоўкі знайшлі адлюстраванне матывы навагодніх святаў: утульны снежны вечар і актыўныя зімовыя забавы, такія як катанне на санях.
Для даведкі, «Лідскае піва» пачало вытворчасць бутыляванага квасу ў 2006 годзе. Цяпер кампанія на пастаяннай аснове вырабляе 2 яго гатункі - «Хлебны» і «Цёмны». З пачатку 2010 года распачаты выпуск абмежаваных партый.
Апошняй такой навінкай, падрыхтаванай да навагодніх святаў, быў лідскі квас «Рэзкі апельсін» з апельсінам і карыцай. Да летняга сезона 2018 года кампанія выпусціла квас з сокам яблыка і кізілу.