Фотафакт: У Баранавічах міліцэйская машына рэзнулася ў «Аўдзі»
2- 6.11.2018, 15:18
- 15,926
Са слоў супрацоўнікаў міліцыі, яны спяшаліся на выклік.
У Баранавічах міліцэйская машына рэзнулася ў «Аўдзі». Аварыя адбылася раніцай 6 лістапада на светлафоры насупраць ЦЭЦ, паведамляе Intex-press.
Сутыкнуліся міліцэйскі «УАЗ Patriot» і Audi. Са слоў кіроўцы іншамаркі, ён, як і іншыя аўтамабілісты, спыніўся на светлафоры на чырвонае святло. У люстэрку задняга выгляду заўважыў, як з моста з уключанымі «маячкамі» і гукавым сігналам едуць дзве міліцэйскія машыны, з’ехаў направа і спыніўся. Машына, якая стаяла па суседстве ў сярэднім шэрагу, таксама «пасунулася».
Ва ўтвораны калідор спецмашыны і прайшлі.
- «Дзявятка» прайшла нармальна, а ў іншай машыны габарыты большыя, вось яна і зачапіла маё аўто, - распавёў Intex-press кіроўца іншамаркі, у якую рэзнуўся міліцэйскі аўтамабіль.
Са слоў супрацоўнікаў міліцыі, яны спяшаліся на выклік.