Калтовіч: Тарыфы павінны падвышацца не таму, што выраслі заробкі

Міністр антыманапольнага рэгулявання і гандлю заявіў пра «прыярытэты» ягонай структуры.

Тарыфы падвышацца павінны не таму, што патрэбныя грошы і не таму, што выраслі заробкі, заявіў міністр антыманапольнага рэгулявання і гандлю Уладзімір Калтовіч падчас выступу на КЭФ-2018, паведамляе tut.by.

Калтовіч падкрэсліў, што палітыка садзейнічання канкурэнцыі і дэманапалізацыі рынкаў павінна стаць прыярытэтным кірункам для нашай краіны.

«Сёння наша галоўная задача - развіццё канкурэнцыі праз рэгуляванне натуральных манаполій, рэгуляванне дзейнасці дамінантаў, дзяржзакупак і спажывецкага рынку», - сказаў міністр.

Дарэчы, заявіў Калтовіч, перагляд тарыфаў павінен быць значна спарадкаваны.

«У большасці манаполій няма сістэмы паасобнага ўліку - таму няма зразумелага і празрыстага стварэння тарыфаў», - прызнаў ён.

У выніку МАРГ унёс прапанову, прапісаць у Законе аб натуральных манаполіях тое, што МАРГ будзе вызначаць парадак раскрыцця манаполіямі інфармацыі аб выніках сваёй дзейнасці. Акрамя таго, замацоўваюцца паўнамоцтвы міністэрства на ўстанаўленне парадку прыняцця пастаноў аб тарыфах натуральных манаполій. Акрамя таго, плануецца ўвесці інстытут публічных слуханняў пры змене тарыфаў натуральных манаполій.

Міністр таксама распавёў, што за два гады працы міністэрства ў больш чым 800 нарматыўных актах ужо ўнесла змены, у тым ліку, аб дзяржзакупках, аб абароне правоў спажыўцоў, ужо ўзгодненыя змены ў закон аб дзяржманаполіях.