У Расеі аўтобус з беларусамі рэзнуўся ў дрэва
7- 6.11.2018, 10:44
- 16,204
Трое загінулі.
ДТЗ здарылася ў Калужскай вобласці. Паводле папярэдніх звестак, у аўтобусе знаходзіліся работнікі з Гомельскай вобласці, якія ехалі на вахту ў Маскву, паведамляе «Белсат».
Кіроўца Citroen заснуў за стырном і праз сустрэчную паласу з'ехаў у кювет, дзе на высокай хуткасці рэзнуўся ў дрэва.
Кіроўца мог знаходзіцца за стырном блізу пяці гадзін і праехаць без адпачынку амаль 400 кіламетраў. Аднак гэтую інфармацыю яшчэ ўдакладняюць.
У выніку ДТЗ на месцы загінулі тры чалавекі, шасцярых шпіталізавалі з траўмамі рознай ступені цяжкасці. На месцы працавалі некалькі брыгад хуткай дапамогі і ратавальнікі. Цяпер высвятляюцца акалічнасці.