Лукашэнка ў Воршы: Пачварныя мы людзі

Дыктатар паскардзіўся на «паганы настрой».

Пастанова аб мадэрнізацыі Аршанскага льнокамбіната была правільнай, але яе рэалізацыя павінна была быць больш эфектыўнай. Пра гэта Лукашэнка заявіў сёння ў Воршы на нарадзе ў развіцці ільняной галіны і перапрацоўцы лёну, піша БелТА.

Дыктатар адзначыў, што пастанову аб развіцці льняной галіны ў краіне прынялі даўно, і сёння ўжо позна спрачацца, ці правільнай яна выявілася. «Я меркаваў, мяркую, а цяпер і вы пераканаліся ў тым, што мы паступілі правільна», - падкрэсліў Лукашэнка.

Разам з тым, з ягоных слоў, праца дагэтуль наладжаная не эфектыўна.

«Галоўнае маё ўражанне пакуль сёння - пачварныя мы людзі. Любіць трэба сваю краіну. І любоў павінна выяўляцца не ў балбатні і на словах, а ў справах», - сказаў дыктатар.

Лукашэнка звярнуў увагу, што ў ранейшыя часы лён апрацоўвалі многія краіны: Францыя, Кітай, Расея, Нідэрланды, Бельгія, Казахстан і Беларусь. «Мы былі на шостым-сёмым месцы, калі не браць Савецкі Саюз, - канстатаваў ён. - А цяпер апынуліся на другім месцы. Францыя яшчэ трошкі варушыцца ў вытворчасці лёну, толькі якасна ў адрозненне ад нас. Кітай згарнуў вытворчасць, засталося зусім трошкі. Ільнаводства ў Расеі спынілася спрэс».

У той жа час, заўважыў дыктатар, людзі цэняць ільняную прадукцыю, попыт на яе толькі расце. «А для нас, Чарнобыльскай Рэспублікі, Украіны і Расеі гэта наогул «лекі». Ільняныя тканіны - гэта выратаванне для нас. Свет даўно зразумеў, асабліва Еўропа: лёну быць. А колькасць вытворцаў памяншаецца. Дык правільна мы паступілі, што калісьці заняліся мадэрнізацыяй вытворчасці, асабліва на гэтым ільнокамбінаце - гэта наша гісторыя? Абсалютна правільна. І жыццё гэта пацвердзіла, - заявіў ён. - Здавалася б, чаго ў мяне такі паганы настрой? Таму што мы пачварна ставімся да гэтага».

«У размове пра гэтыя кошты кіраўнік прадпрыемства проста абмовіўся: вось кароткае валакно, вось гэта зрабілі, то зрабілі. Выдатныя тканіны робяць з кароткага льновалакна, мы іх бачылі. Але гэта ўсяго 30-35% ён перапрацаваў. А астатнія 65-70% дзе? Спакаваў, кудысьці адправіў, нешта сам зрабіў. Сёння 60-70% кароткага льновалакна не даюць таго даходу, той эфектыўнасці і прыбытку, які мы маглі б мець», - канстатаваў Лукашэнка.