Па дапамогу звярнуліся тры беларусы з цягніка «Менск-Адлер»
- 3.11.2018, 12:49
- 9,444
Медыцынская дапамога была нададзеная на месцы.
Медыцынская дапамога была нададзеная на месцы, без шпіталізацыі, стан пацярпелых прымальны. Пасажыры працягнулі паездку да станцыі прызначэння ў суправаджэнні медыцынскага персаналу, гаворыцца ў паведамленні прэс-цэнтра БЧ.
Як паведамляе БЧ са спасылкай на ААТ «РЖД», 3 лістапада а 4:10 на рэгуляваным без дзяжурнага работніка чыгуначным пераездзе паміж станцыямі Цімашэўская і Вядмідзіўка Паўночна-Каўказскай чыгункі, адцінак Растоў-Краснадар (Расейская Федэрацыя), пры спраўнай сігналізацыі пасажырскі цягнік №302/301 Мінск-Адлер (фармавання Беларускай чыгункі) сутыкнуўся з грузавым аўтамабілем КАМАЗам, гружаным пяском, з наступным сходам з рэек 3-х колавых пар электравоза.
Пасажырскія вагоны пашкоджаныя не былі. На момант сутыкнення ў цягніку знаходзілася 704 пасажыры і 29 работнікаў брыгады.
Са звестак прэс-цэнтра БЧ, па медыцынскую дапамогу са скаргамі на лёгкія траўмы звярнулася 15 пасажыраў цягніка, з якіх 3 - грамадзяне Беларусі (адзін дарослы і двое дзяцей). Медыцынская дапамога ім была нададзеная на месцы, без шпіталізацыі, стан пацярпелых прымальны. Пасажыры працягнулі паездку да станцыі прызначэння ў суправаджэнні медыцынскага персаналу.
Цягнік быў выведзены з перагона на станцыі Цімашэўская дапаможным лакаматывам. Са станцыі Цімашэўская цягнік быў адпраўлены па маршруце а 07.35. Спазненне склала 3 гадзіны 32 хвіліны.
У прэс-цэнтры паведамляюць, што падрабязную інфармацыю аб здарэнні можна атрымаць у кантакт-цэнтры Беларускай чыгункі праз тэлефон 105, а таксама праз тэлефон (017) 225-44-77.