Сіноптыкі распавялі пра надвор'е на выходных
- 2.11.2018, 20:15
- 9,138
Надвор'е Беларусі будуць вызначаць атмасферныя франты.
Пераважна воблачнае надвор'е чакаецца ў Беларусі 3 лістапада, паведамляе Белгідрамет.
Уначы ў асобных раёнах, а днём на большай частцы тэрыторыі будуць дажджы. Месцамі туман. Вецер уначы будзе паўночна-заходні, удзень - пераменных напрамкаў, слабы да ўмеранага.
Уначы тэмпература паветра прагназуецца ад +6 да + 12 градусаў. Удзень будзе 9-15 вышэй за нуль.
У нядзелю, 4 лістапада, уначы і раніцай на большай частцы тэрыторыі краіны пройдуць кароткачасовыя дажджы. Удзень будзе пераважна без ападкаў. Уначы і раніцай у асобных раёнах туман. Вецер будзе няўстойлівы слабы.
Уначы слупок тэрмометра пакажа 0-7 са знакам «плюс», удзень - 5-12 градусаў цяпла.