Кіроўца аб «вайне» з ЖЭС: «Дапамажыце, пад вечар у нас у двары ўкапаюць слупы!»

Эмацыйны ліст аўтааматара з Каменнай горкі.

Фрунзенскі раён Менска, мабыць, адзін з лідараў ва ўсталяванні антыпарковачных слупкоў, піша abw.by.

Такіх, напрыклад:

Дабраліся работнікі і да двара дома №132 на вуліцы Прытыцкага. Устурбаваныя жыхары звярнуліся ў рэдакцыю выдання: «Дапамажыце, да вечара ў нас будуць ўкапаныя слупкі!»

Адзін з аўтааматараў напісаў на рэдакцыйны Viber 8 029 689 88 93:

«У Каменнай горцы ёсць дамы, пабудаваныя даўно (наш - у 1989 годзе), яны не прадугледжвалі наяўнасці парковак. Мы вымушаны ставіць аўто на зялёнай зоне, Паркуемся не ўздоўж дарогі, а папярок, заязджаючы задняй воссю на зялёную зону. Так, мы парушаем правілы паркоўкі, але ж па-іншаму немагчыма. У доме на вуліцы Прытыцкага, 132, каля 94 кватэр у двух пад'ездах. Машын шмат. Акрамя таго, на нашу паркоўку любяць ставіць аўто госці з суседняга 9-павярховага дома, якія ніяк не звязаны дарогай з нашым дваром (хоць яго і цяжка назваць дваром - яго проста няма).

Але цяпер ЖЭС мае намер "развязаць" праблему паркоўкі, канчаткова яе пагоршыць. Сёння, 1 лістапада, работнікі ЖЭСа або іншай арганізацыі вядуць працы для ўсталявання слупоў уздоўж дарогі, такім чынам, замест двух аўто папярок можна паставіць толькі адное. А куды іншыя падзенуцца? На паркоўкі? А вы на карту размяшчэння парковак глядзелі? Чаму падыход такі, каб зрабіць жыхарам горш? Чаму нельга кавалак зялёнай зоны, на які ставім заднюю вось, зрабіць для паркоўкі? Няма грошай? Танней слупы ўкапаць? Мы самі гатовыя заплаціць за нармальнае добраўпарадкаванне паркоўкі перад домам.

Прадстаўнікі ЖЭСаў, выканкама і чыноўнікі кажуць, што мы павінны ставіць аўтамабілі на паркоўках і ў гаражах, што іх ужо шмат пабудавана. А ці сапраўды так? Ці з'яўляецца нармальным, калі найбліжэйшая паркоўка знаходзіцца за 3-4 прыпынкі ад дома? Найліжэйшыя паркоўкі знаходзяцца ад нас за 1,74 і 2,17 км.

Калі ўкапаць слупы, аўто знікнуць? Пачнем паркавацца на паркоўках? Не. Аўто проста будуць потым перашкаджаць "хуткім", пажарным і аварыйным службам. Навошта даводзіць да гэтага?

Надзея толькі на СМІ, інакш ніхто нікога не будзе чуць. Непрыстасаваныя шчыльныя двары - гэта рэальная праблема. Маё аўто не раз пашкоджвалі, калі выязджаў іншы кіроўца, бо машыны і так шчыльна стаяць. А тут яшчэ пагаршаюць сітуацыю...

З павагай, аўтааматар Каменнай горкі».