Настаўнік Сан-Марына: У матчы з Беларуссю пастараемся перамагчы ў асабістым супрацьстаянні

Франка Варэла аптымістычна настроены на матч супраць нацыянальнай каманды Беларусі.

Галоўны трэнер нацыянальнай каманды Сан-Марына Франка Варэла перад гульнёй Лігі Нацый супраць Беларусі пахваліў сваю каманду за гульню з Малдовай (0:1), паведамляе «Трибуна».«Трибуна».

«Магу сказаць, што нацыянальная каманда Малдовы выглядала напуджанай у канцы матчу супраць нас. Мяркую, што гэта выдатны лакальны поспех маёй каманды. Хлопцы паспрабавалі змяніць баланс сіл нау сваю карысць. Не ведаю, як гэта выглядала з трыбун, але з броўкі адчуваўся адрэналін.

З Беларуссю нас чакае іншы матч, у якім пастараемся перамагчы ў асабістых процiстаяннях. Да прыкладу, у гульні супраць Люксембурга Савіцкі перамог у 21 дуэлі з 24 у свайго непасрэднага апекуна. Я папрашу абаронцу Бацісціні, каб Савіцкі не перамагаў больш, чым у 15 двубоях. Калі кожны будзе гуляць па максімуму, то перамога не дасца беларусам так жа проста, як гэта было ў Менску.

Здаецца, гульцы зразумелі, на што яны здольныя, што яны могуць паказваць пэўны ўзровень. Зразумелі, што трэба ўвесь час самаўдасканальвацца. Пастараемся прадоўжыць прагрэсаваць у сакавіку 2019 года», - сказаў Варэла.

Матч Сан-Марына - Беларусь адбудзецца сёння а 20.00 паводле беларускага часу.