Цуды зямлі беларускай: Барысаўскія колы на палях

Упершыню гэтыя цуды зямлі ўбачылі 17 траўня 2009 года.

Свет прывык да таго, што ўвага іншапланецян абмяжоўваецца коламі на палетках з кукурузай. Але аднойчы ўсіх людзей ашаламілі навіны з Барысава: піктаграма з'явілася на палетку, дзе вырошчвалі разнавіднасць трыцікале, піша litvin.pl.

Мясцовасць, на якой з'явіліся колы, размешчаная ў паўночнай частцы горада, побач з гарадскім малочным заводам. Трыцікале растуць на стромкім схіле, які спускаючыся, прытрымліваецца ўсходняга боку да плыні ракі Сха, якая прадстаўляе сабой адгалінаванне Бярэзіны. Знаходзячыся на дарозе або суседніх пагорках яе цяжка заўважыць і дэталёва разглядзець, але затое з вокнаў суседніх шматпавярховікаў адкрываецца проста неймаверны агляд усёй піктаграмы.

Упершыню гэтыя цуды зямлі ўбачылі 17 траўня 2009 года. Піктаграма была пабудаваная згодна з усімі «іншапланетнымі правіламі»: сцёблы раслін былі выкладзеныя па гадзіннікавай стрэлцы, утвараючы кола з дыяметрам блізу 20 метраў, ад якога ў розныя бакі ішлі чатыры лініі, што сканчаюцца коламі меншага памеру. Асноўнае кола трохі эксцэнтрычнае: вось С-Ю паказала, што дыяметр кола складае 21 м, вось У-3 дала іншыя вынікі - 20,2 м. Своеасаблівыя лініі былі прадстаўленыя ў выглядзе калідорчыкаў, якiя iдуць на чатыры бакі свету. Расліны ў іх выкладзеныя ў кірунку ад цэнтральнага кола да маленькіх, вышыня сцёблаў у гэтых калідорчыках не перавышала 90-100 см.

Мясцовыя жыхары, чакаючы вяртання НЛА, арганізавалі, кругласутачнае назіранне за гэтым полем. Але іншапланетны карабель так і не вярнуўся.

18 траўня - у жывым эфіры мясцовага тэлевізійнага канала «Скіф» быў выпушчаны сюжэт пра барысаўскія колы. 20 траўня - журналісты канала «Лад» паведамілі пра здарэнне даследчыкам супольнасці «Уфокам», куды яны прыбылі 21-га траўня.

Яны сабралі максімум магчымай інфармацыі аб раптоўна ўзніклых колах: узялі ўзоры глебы ўнутры піктаграмы і за яе межамі, правялі візуальны агляд, замералі ўзровень радыяцыі ўнутры і за межамі фігур, высветлілі каардынаты піктаграмы, зафіксавалі ў фота і відэа матэрыялах стан раслін, і характар іх пашкоджанняў. Усе звесткі старанна аналізавалі і зрабілі неймаверныя высновы: ніякіх анамальных уплываў не выяўлена (радыяцыя, мікрахвалевае выпраменьванне, незвычайныя электрамагнітныя хвалі). Але нават вынікі ўсіх аналізаў прызналі той факт, што сагнуць трыцікале, такім чынам, у якім выглядзе іх заспелі даследчыкі, чалавек не здольны.

Іх першапачатковы выгляд захаваць не ўдалося. Ад таго моманту, калі цуды зямлі ўбачыў першы чалавек, і да прыбыцця даследчыкаў да таямнічых колаў, на гэтым месцы ўжо пабываў натоўп людзей, у тым ліку дзяцей з побач размешчанай школы. У выніку краі піктаграмы страцілі сваю выразную форму, а расліны ўнутры яе апынуліся настолькі збітымі нагамі мінакоў, што адрозніць пачатковыя пашкоджанні і наступныя проста не ўяўлялася магчымым.

Таму, пасля праведзеных выпрабаванняў нельга зрабіць канкрэтных высноваў аб тым, ці маюць барысаўскія колы 2009 года анамальную прыроду ці чалавечую. Такая сітуацыя была з расонскай піктаграмай 2000 года: з аднаго боку знайшлі аўтараў, якія прызналіся ў падробцы анамальных фігур, а з другога - даследчыкі цэнтра «Праметэй» выявілі мноства фактаў, якія пацвярджаюць адсутнасць чалавечага ўплыву ў стварэнні піктаграмы.

Архіў навін Уфалагічнага камітэта 22.05.2009 года змяшчае наступную інфармацыю:

Колы на палях у Барысаве

21 траўня прадстаўнікі супольнасці «Уфокам» экстранна выехалі на тэрыторыю Барысава, у межах якога размешчаныя колы невядомага паходжання. Тэорыі аб свавольстве школьнікаў, грыбнікоў, травяных колах адпалі практычна адразу пасля прыбыцця. Упершыню за доўгі прамежак часу ў Беларусі зноў з ніадкуль паўсталі класічныя колы на палетках.

На гэты момант яшчэ рана сцвярджаць аб тым, што прычынай іх з'яўлення сталі неапазнаныя лятаючыя аб'екты, або чалавечы фактар. Тым больш, мы прыбылі на месца здарэння толькі тады, калі яны ўжо былі моцна прыпсаваныя мясцовымі жыхарамі. Дакладна вядома толькі тое, што яны з'явіліся ў ноч з 16 на 17-га. Сабраныя ўзоры глебы і раслін для лабараторных даследаванняў, вынікі якіх будуць паведамленыя ў далейшым.