Джонатан Блум: Пара перамог - і менскае «Дынама» стане прэтэндэнтам на выхад у плэй-оф

Пачатковец менскага «Дынама» аптымістычна настроены што да далейшага выступу "зуброў" у КХЛ.

Пачатковец менскага «Дынама» Джонатан Блум у інтэрв'ю афіцыйнаму сайту клуба патлумачыў, чаму перайшоў у каманду.

- Якой інфармацыяй валодаў пра «Дынама»?

- Ведаў, што Менск - прыгожае месца. За тры сезоны ў КХЛ трохі бачыў гэты горад. Да таго ж, «Адміралам» кіраваў беларускі трэнер Аляксандр Андрыеўскі. Ён вельмі добра адгукаўся пра Менск і Беларусь. Таму быў упэўнены, што для мяне і сям'і гэта выдатны выбар. Таксама меў зносіны з Хаўдэнам і Уіркашам. Яны казалі толькі добрае пра клуб. Плюс на «Минск-Арене» заўсёды пышная атмасфера, як у НХЛ. Заўзятары так выдатна падтрымліваюць каманду... Гэта неверагодна! З нецярпеннем чакаю пачатку выступу за «Дынама».

- Каманда пакуль займае нізкае месца ў табліцы.

- Наперадзе яшчэ больш за палову сезона. Пара перамог - і каманда стане прэтэндэнтам на выхад у плэй-оф. Хачу дапамагчы «зубрам» сваім досведам: у «Дынама» ў асноўным маладыя абаронцы. Гатовы праводзіць на пляцоўцы шмат часу, як рабіў гэта ў «Адмірале», лідыруючы ва ўсёй лізе па айстайму. Напэўна буду карысны і ў большасці. Я - добры плэймейкер. На паперы ў нас нямала майстэрскіх гульцоў. Задача - аб'яднацца і гуляць, як каманда.