«Паглядзіце на сябе»: беларускі маршрутнік апублікаваў відэа са свайго рэгістратара
18- 14.11.2018, 12:02
- 22,525
Кіроўца адказаў на абвінавачванні ў бесперапынных парушэннях.
За кіроўцамі маршрутных мікрааўтобусаў замацаваны ярлык «злосны парушальнік», які навесілі ўладальнікі легкавікоў. Адзін з маршрутнікаў надумаў дапамагчы «шараговым» удзельнікам руху паглядзець на сябе з боку. Мужчына цяпер закідвае ў сеціва са свайго рэгістратара дзясяткі парушэнняў, паведамляе onliner.by.
На маршрутцы працуе 11 месяцаў на год і праязджае штогод блізу 44 000 кіламетраў вуліцамі Гародні. Парушэнні вакол ён заўважае ледзь не штодня: дзесьці лёгкія «хібы», дзе-нідзе сур'ёзныя, якія цягнуць на пазбаўленне пасведчання. Асноўныя з іх: праезд на чырвонае, перасячэнне двайной суцэльнай і стварэнне аварыйных сітуацый праз рэзкія пераезды. Самыя тыповыя былі сабраныя ў 2-хвілінны ролік.
Мужчына не аднёс у ДАІ ніводнага відэа. Больш за тое, ён наўмысна значна змяняе дату ў наладах рэгістратара, каб парушальнікаў не змаглі прыцягнуць у Дзяржаўтаінспекцыі. Ён хоча, каб тыя ўбачылі сябе з боку і сталі лепшымі.