Набліжэнне шторму
31- ТЭЛЕГРАМ-КАНАЛ «БАСТА»
- 14.11.2018, 11:09
- 33,450
Дыктатару ўжо не па сабе.
Звычайна дыктатар стараўся хаваць свае фобіі і не гаварыць пра іх, асабліва напярэдадні "выбараў". Гэтым раз усё не так. "Наступны год - гэта год сур'ёзны. У нас пачынаецца палітычная вакханалія, якая будзе доўжыцца мінімум паўтара года. І выбары парламента, і прэзідэнта. Яны ніколі не дадавалі стабільнасці і спакою ў нашым грамадстве", - заявіў учора Лукашэнка.
Яшчэ лепш пра ўнутраныя перажыванні правадыра кажа ягоная міміка. Нездарма прэс-служба апошнім часам радзей публікуе відэа, знятае на нарадах з чыноўнікамі. Абмяжоўваюцца пастановачнымі фота. Бегае погляд, дрыжыкі ў руках, стомлены выгляд, мяшкі пад вачыма - схаваць гэта ўжо немагчыма. Ды і чыноўнікі больш смелыя сталі, ужо не стаяць "па струнцы".
Быццам і лодку яшчэ не пачалі разгойдваць, а пацукам ужо не па сабе. Адчуваюць набліжэнне шторму.
Тэлеграм-канал «Баста»