Апытанне: Зяленскі выходзіць у другі тур выбараў прэзідэнта Украіны

Выбары прэзідэнта Украіны пройдуць у 2019 годзе.

У тройцы лідараў патэнцыйных кандыдатаў у прэзідэнты Украіны - кіраўніца «Батьківщини» Юлія Цімашэнка, актор Уладзімір Зяленскі і дзейны ўкраінскі прэзідэнт Пятро Парашэнка. Такія звесткі апытання, праведзенага з 19 кастрычніка да 2 лістапада, сёння падаў Кіеўскі міжнародны інстытут сацыялогіі (КМІС), Цэнтр імя Разумкова і Сацыялагічная група «Рэйтынг». Вынікі апублікаваныя на сайце КМІС, паведамляе gordonua.com.

Пры гэтым Зяленскі абышоў у рэйтынгу Парашэнку і пры падліку галасоў сярод тых, хто збіраецца на ўчасткі і ўжо вызначыўся з выбарам, і сярод усіх выбарцаў. На першым месцы - Цімашэнка з 20,7% (сярод тых, хто ўжо вызначыўся), Зяленскі атрымаў бы 11,4%, а Парашэнка - 10,3%.

Увесь спіс, паводле звестак сацыёлагаў, выглядае так:

Экспэрты прааналізавалі, як бы выглядалі вынікі другога тура, калі б у яго выйшлі розныя пары палітыкаў. У выпадку выхаду Зяленскага і Цімашэнкі, апошняя апярэдзіла б апанента на 3%. У выпадку выхаду ў другі тур з Парашэнкам, Зяленскі абышоў бы дзейнага прэзідэнта на 13%.

«Уладзімір Зяленскі мае дастаткова высокі рэйтынг запыту як на новыя асобы. З верасня мы бачым актыўную рэкламную кампанію аднаго вядомага тэлевізійнага серыяла. Не магу сказаць, што гэта ўласна кампанія Зяленскага, але яна дзейнічае. І вы бачыце, што рэйтынг вырас да 11%», - заявіў на прэс-канферэнцыі агенцтва УНИАН дырэктар сацыялагічнай групы «Рэйтынг» Аляксей Анціповіч.

Найбольшы антырэйтынг прадэманстраваў Парашэнка - за яго ні ў якім разе не прагаласавала б 51,4% выбарцаў. На другім месцы па гэтым паказчыку - экс-прэм'ер Арсень Яцанюк з 27,2%. На трэцім - Цімашэнка з 27,3%.

Апытанне правялі сярод насельніцтва Украіны ад 18 гадоў і старэй, усяго апыталі 10 тысяч рэспандэнтаў метадам асабістага фармалізаванага інтэрв'ю (face-to-face). Памылка рэпрэзентатыўнасці даследавання - не больш за 1,0%.

Выбары прэзідэнта Украіны пройдуць у 2019 годзе.