Заўтра чакаецца да +19°С

Прагноз надвор'я на найбліжэйшыя тры дні.

10 кастрычніка надвор'е Беларусі будзе вызначаць антыцыклон. Чакаецца пераменная воблачнасць. Без ападкаў. Уначы і раніцай у асобных раёнах слабы туман. Вецер паўднёва-заходні, слабы да сярэдняга, паведамляе Гідрамет.

Тэмпература паветра мінімальная ўначы +1..+7°С, на тарфяніках Палесся месцамі замаразкі да 0..- 2°С; максімальная тэмпература ў сярэдзіне дня +13..+19°С. Атмасферны ціск будзе слаба расці.

11-12 кастрычніка Беларусь будзе заставацца ў полі павышанага атмасфернага ціску.

11 кастрычніка пераважна без ападкаў. У асобных раёнах туман. Вецер слабы. Тэмпература паветра мінімальная ўначы +2..+9°С, на тарфяніках Палесся на глебе месцамі слабыя замаразкі да 0..- 2°С, максімальная - удзень +12..+19°С.

12 кастрычніка пераважна без ападкаў. У асобных раёнах туман. Вецер паўднёва-ўсходні: уначы слабы, удзень сярэдні. Тэмпература паветра мінімальная ўначы +1..+8°С, максімальная ўдзень +12..+18°С.