З'явілася відэа, як расейскія футбалісты збіваюць беларускага кіроўцу

Віталю Салаўчуку 33 гады, ён родам з Маларыты.

33-гадовага Віталя Салаўчука даставілі ў лякарню імя С.П. Боткіна ў Маскве ў панядзелак раніцай, піша tut.by. На беларуса, які працуе кіроўцам вядоўцы Першага канала, футбалісты Аляксандр Какорын і Павел Мамаеў напалі ў той момант, калі ён чакаў журналістку.

- Сын у свядомасці, я з ім гаварыла і сёння, і ўчора. Адчувае сябе дрэнна, - распавядае Раіса Іванаўна, мама пацярпелага Віталя Салаўчука. - Дзякуй Богу, што мазгі цэлыя! Я сама медсястра, дачка і зяць - лекары. Для нас самае галоўнае, каб ачуняў.

Беларусу Віталю Салаўчуку 33 гады, ён родам з Маларыты. Як распавядае ягоны знаёмы, Віталь - былы гандбаліст, два сезоны гуляў у Берасці, затым працаваў таксістам у Менску, а гадоў пяць ці сем таму пераехаў жыць у Маскву.

- У Віталя выдатны характар, але калі што - трываць не будзе, - адзначае знаёмая Віталя Салаўчука.

У панядзелак уранку Віталь на стаянцы чакаў пасля эфіру вядоўцу Першага канала Вольгу Ушакову, у якой працуе кіроўцам. Ушакова вядзе праграму «Добрай раніцы». Менавіта ў гэты момант на паведамленне тэлеграм-канала Mash на беларуса напалі футбалісты Аляксандр Какорын і Павел Мамаеў.

- Калі сына даставілі ў лякарню, рабілі ўсе працэдуры, у тым ліку МРТ, - удакладняе Раіса Іванаўна.

У Віталя закрытая чэрапна-мазгавая траўма, пералом носа.

Як паведамілі ў маскоўскай лякарні імя С.П. Боткіна, мужчыну адразу ж даставілі ў аддзяленне нейратраўматалогіі, дзе ён цяпер знаходзіцца. Мама збітага беларуса збіраецца прыехаць да яго ў Маскву ў выходныя дні.

- Усё здарылася з 8 да 9 раніцы, не ведаю, хто выклікаў паліцыю і хуткую. Яны (нападнікі - Заўвага.) пачалі біць бутэлькі каля дарагога аўто, аскепкі паляцелі ў яго, сын проста выйшаў паглядзець: падрапаны аўтамабіль ці не. Ён каштуе 30 тысяч даляраў або больш, - мяркуе Раіса Іванаўна. - І гэта была нават не заўвага, калі ён нешта там сказаў, то навошта хлопцы такое зрабілі? Ён нават не глядзеў у іх бок! А потым хтосьці стаў біць Віталя, хтосьці - аўтамабіль.

Паведамляецца, што спачатку футбалісты нацыянальнай каманды Расеі напалі на беларуса Віталя Салаўчука, а пасля прыйшлі на сняданне ў кавярню на паўночным захадзе Масквы, дзе збілі дырэктара Мінпрамгандлю Дзяніса Пака.

Начальнік управы інфармацыі і грамадскіх сувязей МУС Расеі Масквы Юрый Цітоў расказаў, што паводле гэтага факта завялі крымінальную справу на падставе артыкула «Пабоі».