Відэафакт: Вядоўца эпічна ўпаў падчас сэлфі і стаў кумірам тэлегледачоў

Перадача была прысвечаная самалюбаванню.

Амерыканскі журналіст і тэлевядоўца Райманд Арое прыйшоў у якасці экспэрта ў жывы эфір ток-шоў на канале Fox News і рассмяшыў тэлегледачоў. У перадачы мужчына паспрабаваў прарэкламаваць піва, зрабіўшы з ім фатаграфію, але не ўсядзеў на крэсле і з грукатам упаў. Інцыдэнт не стаў бы такім характэрным, калі б у гэты час Арое не распавядаў пра тое, якімі небяспечнымі могуць быць сэлфі, піша medialeaks.ru.

У кастрычніку 2018 года Нацыянальная бібліятэка медыцыны ЗША падлічыла, як часта людзі ўсяго свету гінуць праз неасцярожнасць падчас сэлфі. У топе спісу Індыя, Расея і ЗША. Аднак інцыдэнт, які адбыўся ў жывым эфіры тэлеканала Fox News неўзабаве пасля публікацыі статыстыкі, паказаў, што на амерыканцаў праца навукоўцаў, відавочна, не зрабіла вялікага ўражання.

Няёмкая сітуацыя здарылася падчас трансляцыі ток-шоў The Ingraham Angle амерыканскай тэлевядоўцы Лауры Інграхам.

У той дзень жанчына гутарыла ў эфіры са сваім калегам, журналістам Раймандам Арое, і тэма перадачы была прысвечаная небяспецы самалюбавання.

Журналіст адзначыў, што даследчыкі не ўключылі ў статыстыку тыя выпадкі, навіны пра якія не з'яўляліся ў СМІ. Такім чынам, аматарам сэлфі варта разумець, што фатаграфія на гары, даху або каля дарогі можа стаць для іх апошняй.

На гэтым эфірны час Арое скончыўся. Але перад тым, як пакінуць студыю, ён вызначыў прарэкламаваць амерыканскае піва Bud і дастаў скрынку з бутэлькамі з-пад стала.

Магчыма, журналістам не належала распіваць алкаголь у жывым эфіры, таму насуперак тэме перадачы Райманд прапанаваў Лауры зрабіць агульнае сэлфі з напоямі ў руках.

Я хуценька зраблю сэлфі. Ты гатовая? Усё ў парадку? О’кей. Усміхайся.

Менавіта ў гэты момант адбылося тое, што зрабіла Арое новым героем карыстальнікаў твітэра і тэлегледачоў. Мужчына сядзеў занадта далёка ад калегі, так што яна ніяк не змяшчалася ў кадр ягонай тэлефоннай камеры. Каб выправіць гэта, Райманд бліжэй пасунуўся да вядоўцы, і тут здарылася неспадзяванае.