29 сакавiка 2024, Пятніца, 18:45
Падтрымайце
сайт
Сім сім,
Хартыя 97!
Рубрыкі

Віктар Шалкевіч: Ведаеце, геаграфія і падарожжы больш за ўсё натхняюць

1
Віктар Шалкевіч: Ведаеце, геаграфія і падарожжы больш за ўсё натхняюць
Віктар Шалкевіч

Легендарны гарадзенскі бард выдаў новы альбом.

Гарадзенскі выканаўца Віктар Шалкевіч падрыхтаваў да выдання новы альбом сваіх песень, перадае racyja.com.

Пра гэта спявак паведаміў на творчай сустрэчы, што адбылася ў цэнтры Гародні ў прасторы «Цудоўня»:

– Уся справа ў мастаках. Адзін браўся – не зрабіў, зараз другі бярэцца. Альбом запісаны, практычна засталося яго толькі выдаць. Выдаваць будзе Павел Мажэйка, Цэнтр гарадскога жыцця. Альбом запісаны нармальна, у Баранавічах. Шмат новых песень.

Па словах спевака, тэма новага альбома — гэта геаграфія і падарожжы:

– Песні заўсёды аб’яднаныя геаграфіяй. Там і пра станцыю Буслы, і як прыгожа свеціць месяц над станцыяй Аляхновічы пад Маладэчнам. Ведаеце, геаграфія, падарожжы больш за ўсё натхняюць. Што напішаш седзячы ў кабінеце? Нічога.

На сустрэчы ў Гародні Віктар Шалкевіч выступаў без гітары і выканаў некалькі сваіх празаічных твораў. Канцэрт Шалкевіча адбудзецца ў Гародні праз некалькі тыдняў у прасторы «Цэнтр гарадскога жыцця».

Напісаць каментар 1

Таксама сачыце за акаўнтамі Charter97.org у сацыяльных сетках