У Адэсе стралялі ў актывіста мясцовага «Аўтамайдана»
- 7.10.2018, 10:21
- 6,538
Актывіст паранены з драбавіка.
У суботу, 6 кастрычніка, а 23.00 у Адэсе стралялі ў аднаго з актывістаў мясцовага «Аўтамайдана», мужчыну шпіталізавалі з раненнямі, паведамляе "Думская".
Стральба адбылася каля запраўкі на Люстдорфскай дарозе. Паводле папярэдніх звестак, актывіст быў паранены з драбавіка.
Паводле звестак відавочцаў, а 23.00 некалькі чалавек выйшлі з аўтамабіля Volkswagen белага колеру і стрэлілі з помпавай зброі ў кіроўцу аўтамабіля Dodge.
На старонцы «Автомайдан Одесса» у Facebook пацвердзілі інфармацыю аб стральбе па адным з сябраў арганізацыі, аднак не назвалі імя актывіста.
У прэс-службе паліцыі Адэскай вобласці паведамілі, што ў Кіеўскім раёне Адэсы на святлафоры каля аўтазапраўкі да аднаго з аўтамабіляў пад'ехала другая машына, з якой выйшлі невядомыя і «учынілі некалькі стрэлаў у бок транспартнага сродку».
Затым яны схаваліся з месца здарэння. У горадзе быў уведзены аператыўны план-перахоп «Сірэна». «Паводле стану на 1.30 паліцыя мае інфармацыі аб асобах, якія ўчынілі стральбу.
Цяпер прымаюць захады дзеля іх затрымання», - гаворыцца ў паведамленні.