Шандаровіч у Беларусі: Пры слове «Бабруйск» сход хваравіта застагнаў...

Вядомы пісьменнік-сатырык прыехаў з юбілейнымі канцэртамі ў Беларусь.

«Салідарнасць» вывучыла, што піша ён у сваім Фэйсбуку пра паездку па нашай краіне.

Адзначым, што карані пісьменніка - з Беларусі.

«Еду на гістарычную радзіму, у Гомель...)) Ну, і Менск потым. Два юбілейныя вечары, - калі ласка, 23 і 25 кастрычніка. Асабліва звяртаю ўвагу на тое, што скасавання выступу ў Гомелі не прадбачыцца, а за пагалоскі, якія распускаюцца, па горадзе злоснымі сабатажнікамі з ліку чыноўніцкай контры, будзем расстрэльваць на месцы паводле законаў рэвалюцыйнага часу (выкраслена) з дакорам хістаць галавой і паўтараць: як вам не сорамна...», - напісаў Віктар Шандаровіч напярэдадні.

З Гомеля пісьменнік адправіўся ў Менск, а па дарозе не змог не заехаць у Бабруйск.

«Еду з Гомеля, міма Бабруйска, у Менск... Дзядулі-бабулі... Гістарычная радзіма))», - патлумачыў ён.

«Пры слове «Бабруйск» сход хваравіта застагнаў... Тут стаіць помнік Шуру Балаганаву!», - напісаў Віктар Шандаровіч і выклаў сваё фота.

У Бабруйску пісьменніка таксама ўразіла назва стаматалагічнай клінікі.

«Бабруйская стаматалогія - Варава-дэнт, - падпісаў ён фота і ў каментарах выказаў здагадку: - разбойніцкія цэны, мабыць».

25 кастрычніка Віктар Шандаровіч дасць канцэрт у Менску.