У Беларусі забаранілі заклік «Хто не скача, той...»
24- 24.10.2018, 21:34
- 27,203
Фразу ўключылі ў спіс экстрэмісцкіх матэрыялаў.
У абноўлены спіс экстрэмісцкіх матэрыялаў унесены тэкст «Хто не скача, той [расеец]». Цяпер гэтую фразу нельга згадваць у СМІ, пад забаронай любыя прадметы з гэтым жа надпісам і нават «гукавая абалонка тэксту».
Тэкст «Хто не скача, той [расеец]» аказаўся пад забаронай на падставе пастановы суда Цэнтральнага раёна Менска ад 25 верасня. Гэта ўказана ў Рэспубліканскім спісе экстрэмісцкіх матэрыялаў на сайце Міністэрства інфармацыі.
З гэтага часу гэты тэкст забаронены (з якімі-небудзь яшчэ надпісамі або без іх) «па-за залежнасці ад носьбіта інфармацыі»: на сцягах, транспарантах, эмблемах, значках, элементах прадмета або ўжытку і гэтак далей.
«А таксама створаны і размешчаны ў якасці прадукцыі для СМІ (у любых падзеях, сцэнах, эпізодах і кадрах), а роўна сама гукавая абалонка тэксту, вымаўленая ў выглядзе слоў, якія адначасова могуць суправаджацца дзеяннямі або з'явамі, а роўна трансляцыя вымаўленага тэксту з аудыяносбіту», - пазначана ў дакуменце.
Цяпер за гэтыя дзеянні могуць скласці пратакол паводле арт. 17.11 КоАП (Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць) і пакараць штрафам да 50 базавых або арыштам. А таксама канфіскаваць «прадмет правапарушэння», напрыклад, тэлефон, з дапамогай якога была выраблена або распаўсюджвалася забароненая фраза.
Раней выданне «Савецкая Беларусь» паведамляла, што фразу ўнеслі ў спіс на ініцыятыву МУС. У тым ліку праз скандал на нядаўнім матчы паміж зборнымі Беларусі і Сан-Марына, дзе яе скандавалі заўзятары.
Пасля публікацыі ў «СБ» партал tut.by спрабаваў высветліць падрабязнасці пастановы суда. Ведамства параіла звярнуцца да аўтараў матэрыялу, тыя - назад у МУС. У судзе патлумачылі, што гаворка ідзе пра грамадзянскую справу, а доступ да яе матэрыялаў маюць толькі ўдзельнікі працэсу. Нарэшце, міліцыя ў адказ на афіцыйны запыт адправіла ў суд.