Кошты нафты ўпалі да мінімуму за паўтара месяца

Кошт барэля апусціўся ніжэй за 77 даляраў.

Кошт нафты маркі Brent знізіўся да мінімуму за паўтара месяца. Кошт барэля апусціўся ніжэй за 77 даляраў, чаго не было з 10 верасня.

Так, кошт ф'ючэрса нафты маркі Brent з пастаўкай у снежні падчас таргоў на біржы ICE ў Лондане склаў да 18:30 паводле менскага часу 76,89 даляра за барэль.

На гэтым фоне расейскі рубель нязначна патаннеў да даляра і еўра. Паводле вынікаў таргоў 23 кастрычніка, паводле звестак Маскоўскай біржы, курс рубля да даляра знізіўся да 65,51 руб/дал. Пры гэтым падчас таргоў рубель зніжаўся да 65,71 руб/даляраў. Зрэшты, як паведамляюць аналітыкі рынку, падзенне расейскай валюты можа працягнуцца.