Відэафакт: У Менску кіроўцы спачатку «вучылі» адзін аднаго, а потым пабіліся
6- 24.10.2018, 18:05
- 23,790
Сышліся два «настаўнікі» на дарозе, маладых і гарачых, - быць бойцы.
У аб'ектыў рэгістратара чытача abw.by Сяргея трапіў сюжэт: кіроўцы аўтамабіляў BMW і Skoda на сталічнай вуліцы спрабуюць высветліць стасункі падчас руху, а заканчваецца справа мардабоем.
«Не ведаю, з чаго ўсё пачалося, можа, кіроўцы раней пасварыліся. Ірванулі яны са святлафора на праспекце Жукава каля аўтлет-цэнтра. Потым не здымаў, але гонку праз нейкі час яны аднавілі. BMW мяне вельмі рэзка «падрэзаў». У канцы відэа, ужо на праспекце Дзяржынскага, відаць, як яны сталі пад знакам і б'юць адзін аднаму твары», - распавёў сведка.
Сяргей таксама адзначыў: «Можа, гэты ролік убачаць у ДАІ і навучаць гэтых малайцоў, што тармазіць рух і ствараць аварыйныя сітуацыі ва ўгоду сваім амбіцыям усё ж такі няправільна».