Каралева Элізабэт II упершыню публічна пракаментавала Brexit
3- 24.10.2018, 15:29
- 10,141
Брытанія імкнецца да новага партнёрства з Еўропай і з упэўненасцю глядзіць у будучыню.
Каралева Вялікай Брытаніі Элізабэт II упершыню публічна пракаментавала працэс выхаду краіны са складу Еўразвязу, паведамляе "Новое время".
Падчас каралеўскай бяседы ў гонар афіцыйнага візіту ў Вялікую Брытанію караля Нідэрландаў Вілема-Аляксандра і каралевы Максімы, каралева Элізабэт заявіла, што Брытанія імкнецца да новага партнёрства з Еўропай і з упэўненасцю глядзіць у будучыню.
«Калі мы глядзім на новае партнёрства з Еўропай, нашы агульныя каштоўнасці і прыхільнасць адзін аднаму з'яўляюцца самымі вялікімі актывамі і дэманструюць, што нягледзячы на ўсе змены, наш трывалы альянс застаецца моцным...і мы з упэўненасцю глядзім у будучыню», - цытуе каралеву Sky News.
16 сакавіка 2017 года Элізабэт II афіцыйна надала прэм'ер-міністру Тэрэзе Мэй права ініцыяваць перамовы аб выхадзе з Еўразвязу, такім чынам, ухваліўшы Brexit.
23 чэрвеня 2016 года брытанцы на рэферэндуме сказалі «не» захаванню Вялікай Брытаніі ў складзе Еўрапейскага Звязу. За выхад краіны з ЕЗ прагаласавала 52% выбаршчыкаў, супраць - 48%. Шатландыя і Паўночная Ірландыя у асноўным прагаласавалі за захаванне сяброўства Злучанага Каралеўства ў ЕЗ, а Уэльс і Англія падтрымалі Brexit.