Адкрыццё і закрыццё Еўрапейскіх гульняў у Менску каштавацьме $12 мільёнаў

Гэта касмічная сума для Беларусі.

Права на арганізацыю цырымоніяў адкрыцця і закрыцця атрымала расейская кампанія ТАА «Арт Сіці-5».

Генеральным прадусарам будзе кампазітар Ігар Круты, паведамляе «Еўрарадыё».

Згодна з тэндэрам, кошт дзвюх цырымоніяў - 25 мільёнаў 129 тысяч 725 рублёў. Сцэнары адкрыцця і закрыцця абяцаюць падрыхтаваць да 25 кастрычніка.

Другія Еўрапейскія гульні пройдуць у Менску ў чэрвені 2019 года. Адкрыццё запланаванае на 21 чэрвеня, закрыццё - на 30 чэрвеня.

$12 млн - касмічная сума для Беларусі. Звычайна такія выдаткі бяруць на сябе спонсары гульняў, а не бюджэт краіны, якая іх прымае.