Колькі каштуе «бясплатная» школа

За што трэба плаціць, і ці можна менш выдаткоўваць на адукацыю.

На просьбу чытачоў на прыкладзе пяцікласніка звычайнай гарадзенскай школы «Вечерний Гродно» разлічыў, колькі і за што трэба плаціць, і высветліў, ці можна менш выдаткоўваць на адукацыю.

Бацькоўскія ўнёскі

Кожны год добраахвотныя бацькоўскія ўнёскі складаюць 2 базавыя адзінкі, сёння гэта 49 рублёў. Суму можна дзяліць напалову, таму ў верасні ўнеслі толькі частку - 24,50 рубля.

Усяго 24,50 рубля.

Падручнікі і навучальныя дапаможнікі

З гэтага года плата за карыстанне падручнікамі для ўсіх аднолькавая - 0,5 базавай адзінкі, або 12,25 рубля. Акрамя гэтага давялося дакупіць сшыткі для ангельскай мовы, гісторыі, мастацтва, расейскай мовы, а таксама атлас і контурныя карты для чалавека і свету. Дадатковая літаратура заважыла яшчэ амаль на 23 рублі. Акрамя таго, на ўрок працы пяцікласнікаў спатрэбіліся лобзік, пілкі і халат. Гэта яшчэ 20 рублёў.

Усяго 55,25 рубля.

Харчаванне

З пераходам дзіцяці ў пяты клас кошт абедаў моцна ўзняўся. Адзін дзень - 1,80 рубля. За месяц выходзіць 36-41,40 рубля. Верасень быў кароткі, таму за харчаванне заплацілі 36 рублёў.

Усяго 36 рублёў.

Гурткі і спартыўныя секцыі

Дзіця наведвае заняткі плавання двойчы на тыдзень. Адзін каштуе 4 рублі. За месяц навучанне плаванню каштуе 32-40 рублёў, не лічачы куплі купальніка, шапачкі і акуляраў. Акрамя гэтага плануем аддаць сына на футбол. Бясплатных секцый у нашай школе і школах паблізу мы не знайшлі. Высветлілі, што хлопцаў набіраюць адразу ў спартыўныя школы ФК «Нёман» або ФК «Белкард». Трэніруюць дзяцей з 6 гадоў на школьных стадыёнах або на футбольных палях у Лядовым палацы або Каложскім парку бясплатна. Але хлопчыкаў і дзяўчынак старэйшых бяруць у асноўным у платныя групы. Адзін занятак - 4,50 рубля. Трэніроўкі - два разы на тыдзень. У выніку, за месяц - 36-45 рублёў.

Усяго 32 рублі.

Рэпетытар

Найбліжэйшым час пачнуцца заняткі з рэпетытарам у ангельскай мове. Журналісты палічылі, што аднаго занятку на тыдзень дзіцяці дастаткова. Каштуе 10 рублёў. За месяц на дадатковае навучанне замежнай мове давядзецца плаціць 40-50 рублёў.

Усяго 40 рублёў.

Дадатковыя выдаткі

Кожны год традыцыйна збіраем грошы на патрэбы класа. Гэтым разам сума выйшла невялікая - 20 рублёў.

Акрамя таго, у канцы кастрычніка ў нашага класа плануецца візіт у Менск. Экскурсія каштуе 50 рублёў з чалавека, але гэта на жаданне бацькоў.

Усяго 70 рублёў.

Лічылка

Верасень: 24,50 (унёсак) + 55,25 (падручнікі і дапаможнікі) + 36 (харчаванне) + 32 (плаванне) + 20 (патрэбы класа) = 167,75 рубля (не лічачы падрыхтоўкі да школы).

Кастрычнік: 41,40 (харчаванне) + 36 (плаванне) + 50 (экскурсія) = 127,40 рубля.

У лістападзе да сумы дадасца яшчэ мінімум адзін артыкул выдаткаў - рэпетытар, гэта яшчэ 40 рублёў.

На чым зэканоміць?

На дадатковай вучэбнай літаратуры. Вядома, трохі, але ўсё ж. У некаторых кніжных інтэрнэт-крамах пры куплі на пэўную суму дзейнічаюць зніжкі. Праўда, калі дапаможнікаў няма, давядзецца пачакаць некалькі дзён. Мастацкую літаратуру можна знайсці ў школьнай бібліятэцы.

На спартыўных секцыях. Калі дзіцяці споўнілася 6 гадоў, ужо варта падумаць, куды яго аддаць, асабліва калі гаворка ідзе пра найбольш папулярныя тыпы спорту - футбол ці хакей. Дзяцей старэйшых без навучання сюды возьмуць бясплатна, толькі калі яно на першай жа трэніроўцы давядзе, што можа займацца нароўні з дзецьмі, якія трэніруюцца ўжо некалькі гадоў. Гэта зэканоміць 36-45 рублёў.

Для дзяцей старэйшых можна выбраць бюджэтныя тыпы спорту накшталт таэквандо, кёкусінкай, каратэ або кулявая стральба.

На экскурсіі. Можна, вядома, зэканоміць на паездку ў Менск, але такая экскурсія для дзіцяці - гэта не толькі мноства уражанняў, але і пашырэнне кругагляду.