Відэафакт: Змітра Паліенку сустрэлі ў Менску
2- 24.10.2018, 9:57
- 11,464
Сябры і паплечнікі палітвязня чакалі яго на вакзале.
Вязень сумлення, грамадскі актывіст Зміцер Паліенка быў вызвалены з папраўчай калоніі №2 г. Бабруйска раніцай 24 кастрычніка. Сябры палітвязня і журналісты сустрэлі яго на вакзале ў Менску, паведамляе «Белсат».
Нагадаем, у кастрычніку 2016 года Паліенку асудзілі на 2 гады пазбаўлення волі з адтэрміноўкай за нібыта напад на міліцыянта падчас веласіпеднага прабегу «Крытычная маса», які прайшоў у Менску. Акрамя таго актывісту інкрымінавалі ўчыненне злачынства паводле ч 2 арт 343 КК (выраб і распаўсюджванне парнаграфічных матэрыялаў або прадметаў парнаграфічнага характару).
У мінулым годзе Паліенку зноў арыштавалі: 7 красавіка 2017 года суд скасаваў адтэрміноўку і адправіў актывіста адбываць рэшту тэрміну ў Бабруйскую калонію.
У калоніі Паліенку рэгулярна змяшчалі ў штрафны ізалятар, адміністрацыя таксама ціснула на яго псіхалагічна.
Міжнародная праваабарончая арганізацыя Amnesty International прызнала Паліенку вязнем сумлення.