Суд у Швейцарыі раскрыў прычыну адмовы Абрамовічу ў праве жыхарства

Расейскі алігарх спрабаваў праз суд забараніць абнародаванне гэтай інфармацыі.

Вярхоўны суд Швейцарыі зняў абмежаванні на распаўсюд інфармацыі пра прычыны, з якіх расейскі бізнэсовец Раман Абрамовіч не змог атрымаць пасведчанне на права жыхарства ў гэтай краіне. Як паведамляе Bloomberg, суд не падтрымаў Абрамовіча, які настойваў, што абнародаванне такой інфармацыі пашкодзіць яго рэпутацыі, паведамляе РБК.

Паводле звестак агенцтва, суд спаслаўся на заклапочанасць паліцыі Швейцарыі з нагоды таго, што ў дачыненні да прадпрымальніка ёсць падазрэнні ў адмыванні грошай і магчымых кантактах з крымінальнымі структурамі, а яго швейцарскія актывы могуць нібыта мець часткова нелегальнае паходжанне. Такі адказ дала паліцыя на запыт міграцыйнай службы.

З пастановы таксама вынікае, што падача Абрамовічу права на жыхарства можа пагражаць грамадскай бяспецы і стварыць рэпутацыйную рызыка для Швейцарыі.

Раней аб пазіцыі паліцыі паведаміла газета Tages-Anzeiger, якая апублікавала артыкул пасля таго, як расейскі бізнэсовец прайграў суд уладальніку выдання - медыягрупа Tamedia. Абрамовіч патрабаваў забараніць публікацыю гэтых звестак, аднак суд не стаў на яго бок.

Тады юрыст бізнэсоўца ў Швейцарыі Даніэл Гласл заявіў, што прадстаўнікі Абрамовіча «вельмі засмучаныя публікацыяй канфідэнцыйнай інфармацыі, <...> якая адназначна была зроблена ў парушэнне швейцарскага Крымінальнага кодэкса і законаў аб абароне інфармацыі».

Паводле звестак СМІ, Абрамовіч прасіў даць яму права жыхарства ў Швейцарыі два гады таму, у ліпені 2016-га. Кіраўнік міграцыйнай службы кантона Вале Жак Дэлавалаз тады казаў, што ў прадпрымальніка ёсць інтарэсы ў гэтым кантоне, і адзначаў, што мясцовыя ўлады выдалі станоўчае заключэнне аб праве жыхарства, бо кантон быў зацікаўлены ў Абрамовічы як у падаткаплацельшчыку. Паводле звестак The Guardian, цікавасць Абрамовіча распаўсюджвалася на гарналыжны курорту Верб’е, размешчаны ў Вале і які налічвае больш за 400 км трас.

Пазней бізнэсовец адклікаў сваё прашэнне, яшчэ да вынясення афіцыйнай пастановы ўладаў.