У Менску спынілася чырвоная лінія метро

Надзвычайнае здарэнне адбылося на Аўтазаводскай лініі менскага метрапалітэна.

У аўторак, 23 кастрычніка, спыніўся рух сталічнага метро, паведамляюць карыстальнікі Twitter, паведамяле kp.by.

Надзвычайнае здарэнне адбылося на Аўтазаводскай лініі менскага метрапалітэна. «Чырвоная лінія» спынілася прыкладна на пяць хвілін.

Першымі пра збоі ў руху цягнікоў паведамілі пасажыры ў сацыяльных сетках, паведамлялася, што цягнікі стаяць на станцыях па некалькі хвілін, спыняюцца ў тунэлях, уключаючы аварыйнае асвятленне, «як у заторы» рухаюцца павольна і з перапынкамі...

Пасажыры метрапалітэну паведамлялі пра 5, 7 і 10-хвілінныя «стаянкі». Прэс-служба метрапалітэну адзначыла, што збой здарыўся не больш чым на пяць хвілін.

- З тэхнічных прычын збой графіка руху цягнікоў метро адбыўся ў прамежку з 9.28 да 19.33, - апублікавалі інфармацыю на афіцыйнай твітэр-старонцы Метрапалітэна Менска.

Там жа ў допісу ўдакладнялася, што збой быў аператыўна ліквідаваны, а рух адноўлены. Пасажыраў папрасілі дараваць часовыя нязручнасці.

Нагадаем, не так даўно такі збой здарыўся на «сіняй лініі» сталічнай падземкі.