The Times: Парламент Брытаніі не паспее своечасова змяніць законы да Brexit

Парламентарыям неабходна прыняць больш за 800 змяненняў у заканадаўства.

У парламент Вялікабрытаніі было ўнесена ўсяго 71 змяненне ў заканадаўства, неабходнае для Brexit. Агулам неабходна прыняць больш за 800 змяненняў.

Пра гэта паведамляе eurointegration.com са спасылкай на The Times.

Урад заявіў, што для таго, каб брытанскае заканадаўства функцыянавала да таго, як Брытанія пакіне ЕЗ 29 сакавіка наступнага года, патрабуецца ад 800 да 1000 статутных інструментаў (SIs).

Але нават, нягледзячы на тое, што амаль палова часу для зацвярджэння ўжо прайшла, толькі 9% неабходных змяненняў былі ўнесены ў парламент, што прывяло да асцярог, што Палата абшчын не зможа іх своечасова зацвердзіць.

Міністры выкарыстоўваюць SIs, таксама вядомыя як другаснае заканадаўства, каб мяняць законы без праходжання ўсёй заканадаўчай працэдуры. Урад ужыў закон аб выхадзе з ЕЗ, прыняты ў чэрвені, каб скапіяваць закон ЕЗ у Брытанскую статутную кнігу, але цяпер яму неабходна выкарыстоўваць SIs для адаптацыі і ліквідацыі некаторых з гэтых законаў, каб яны мелі сэнс пасля Brexit.

Пасля гарачых спрэчак аб здольнасці парламента старанна вывучыць SIs, урад пагадзіўся стварыць у парламенце «прасейваючыя» камітэты, якія могуць рэкамендаваць, каб спрэчныя дакументы былі адобраны да таго, як яны стануць законам, але гэта робіць увесь працэс даўжэйшым. З прадстаўленых SIs пакуль толькі два завяршылі працэс парламенцкага кантролю.