Турэцкія нацыяналісты разарвалі альянс з партыяй Эрдагана
- 23.10.2018, 14:19
- 4,949
Раскол адбыўся праз пытанні амністыі.
Лідар Партыі нацыяналістычнага руху (MHP) Даўлет Бахчэлі заявіў аб спыненні саюза з кіроўнай Партыяй справядлівасці і развіцця Турцыі напярэдадні муніцыпальных выбараў, якія адбудуцца ў сакавіку 2019 года.
Пра гэта паведамляе Associated Press.
Падчас выступу ў аўторак у парламенце, Бахчэлі паведаміў, што ягоная партыя MHP выставіць сваіх кандыдатаў на мясцовых выбарах вясной.
Раскол з кіроўнай Партыяй справядлівасці і развіцця Эрдагана паўстаў з прычыны канфлікту вакол амністыі для некаторых зняволеных, якую прапанавалі нацыяналісты.
«Цяпер мы пракладзем свой уласны шлях. Мы не плануем уступаць у альянс», - сказаў Бахчэлі.
MHP была ключавой часткай выбарчага альянсу Эрдагана падчас парламенцкіх і прэзідэнцкіх выбараў гэтым летам. Партыя Эрдагана не змагла атрымаць парламенцкую большасць і таму мае патрэбу ў падтрымцы нацыяналістаў.