Перамовы Болтана і Патрушава доўжыліся пяць гадзін
4- 22.10.2018, 21:48
- 15,252
Пасля перамоў з Патрушавым Болтан сустрэнецца з Пуціным і Лаўровым.
22 кастрычніка прайшла сустрэча дарадцы прэзідэнта ЗША ў нацыянальнай бяспецы Джона Болтана з сакратаром Рады бяспекі РФ Мікалаем Патрушавым, якая доўжылася блізу пяці гадзін.
Пра гэта ТАСС паведаміў прэс-сакратар апарата РБ РФ Яўген Аношын.
Паводле звестак прэс-службы расейскага ведамства, перамовы, падчас якіх абмяркоўваліся стасункі Вашынгтона і Масквы ў стратэгічных пытаннях бяспекі, праходзілі «ў канструктыўным і дзелавым ключы».
Між іншым, падымалася тэма тэрарызму, барацьбы з распаўсюджваннем наркотыкаў і нелегальнай міграцыяй, юстыцыі і правапарадку.
Болтан прыбыў у Маскву 21 кастрычніка. Пасля перамоў з Патрушавым ён сустрэнецца з прэзідэнтам РФ Уладзімірам Пуціным і міністрам замежных спраў РФ Сяргеем Лаўровым.
Візіт Болтана ў Маскву адбываецца на фоне заявы прэзідэнта ЗША Дональда Трампа пра выхад з Дамовы аб ліквідацыі ракет сярэдняй і малой далёкасці.