Менгарвыканкам дазволіў КХП-БНФ шэсце на «Дзяды»

Акцыя адбудзецца 28 кастрычніка.

Менгарвыканкам ухваліў заяўку на правядзенне традыцыйнага шэсця ў дзень памяці продкаў «Дзяды». Яно пройдзе 28 кастрычніка. Пра гэта tut.by распавялі ў партыі КХП-БНФ.

Збор удзельнікаў шэсця прызначаны на 11.30-12.00 каля гадзіннікавага завода «Луч» насупраць парку Чалюскінцаў. Пасля шэсце рушыць у Курапаты, дзе запланаваны мітынг. Скончыцца акцыя а 17.00.