Старшыня ФХБ аб гульні «Дынама»: Трываць далей такое бязладдзе ніхто не хоча

У трэнерскім штабе «зуброў» будуць змены.

Старшыня ФХБ Генадзь Савілаў анансаваў змены ў трэнерскім штабе менскага «Дынама», піша «Трибуна».

«Заўтра ў «Дынама» зменіцца кіраўніцтва, гэта адзін са зробленых крокаў. Магчыма, позна, а можа, своечасова. Гэта крок да больш выразнага прадстаўлення нашых кіраўнікоў да таго, куды «Дынама» будзе рухацца далей.

Чакаюцца карэкціроўкі ў трэнерскім штабе «Дынама», яны абмяркоўваюцца. Трываць далей такое бязладдзе ніхто не хоча. Але пытанне не ў гэтым. Пытанне ў тым, ці зможам мы гарантавана зрабіць нейкія змены, якія прывядуць нас да поспеху. Цяпер хочацца бачыць стабілізацыю абстаноўкі», - сказаў Савілаў.