NАТО: Расея вінаватая ў выхадзе ЗША з ракетнай дамовы
5- 21.10.2018, 19:36
- 9,848
У Альянсе заявілі, што РФ з самага пачатку не выконвала свае абавязанні паводле дамовы.
У NАТO ўсклалі адказнасць за выхад ЗША з Дамовы аб ліквідацыі ракет сярэдняй і меншай далёкасці (ДРСМД) на Расею, якая не выконвае ўмовы дамовы. Пра гэта піша unian.net.
"На саміце NАТО ў ліпені хаўруснікі заявілі аб выкананні ЗША ўмоў дамовы, тады як дзеянні Расеі для іх выканання цягам многіх гадоў выклікалі цэлы спектр сумневаў", - паведамляе прадстаўнік штаб-кватэры вайсковага палітычнага блока.
Дамова РСМД была падпісаная прэзідэнтам СССР Міхаілам Гарбачовым і прэзідэнтам ЗША Рональдам Рэйганам у 1987 годзе, атрымаў назву ДРСМД-87.
Пагадненне не дазваляе бакам мець балістычныя ракеты наземнага базавання і крылатыя ракеты з далёкасцю ад 500 да 5,5 тысячы кіламетраў.
20 кастрычніка прэзідэнт ЗША Дональд Трамп заявіў, што ЗША выйдуць з ДРСМД-87, бо Расея не прытрымліваецца яго ўмоў.
У аўторак, 2 кастрычніка, сталы прадстаўнік ЗША пры NАТО Кей Бэйлі Хатчынсан папярэдзіла, што Расея павінна спыніць сваю праграму для распрацоўкі крылатых ракет, забароненых Дамовай аб РСМД.