Дзмітрый Быкаў: Становіцца зразумелая галоўная стратэгічная мэта Пуціна
6- 20.10.2018, 19:25
- 25,394
Ягоная рыторыка нагадвае Напалеона і Гітлера.
Прэзідэнт РФ Уладзімір Пуцін зацікаўлены ў гібелі ўсіх расейцаў. Такое меркаванне ў эфіры тэлеканала "Дождж" выказаў расейскі паэт Дзмітрый Быкаў.
Так ён пракаментаваў заяву расейскага прэзідэнта на форуме "Валдай" у Сочы, што агрэсар павінен ведаць, што ў выпадку нападу на РФ ён будзе знішчаны. "А мы - ахвяры агрэсіі. І мы, як пакутнікі, трапім у рай. А яны проста здохнуць, бо яны нават раскаяцца не паспеюць", - адзначыў Пуцін.
"Становіцца зразумелая галоўная стратэгічная мэта Уладзіміра Пуціна - як мага хутчэй прывесці да гібелі максімальную колькасць расейцаў. У гэта ўкладваюцца і пенсійная рэформа, і вайсковыя падрыхтоўкі, і шматлікія пагрозы астатняму свету, і стан "крыжовага паходу", у якім мы ўсе апынуліся, і тактыка ў дачыненні да нашых былых суайчыннікаў, якія спрабуюць збегчы з нашага раю, але іх наганяе [атрутнае рэчыва] "Навічок", - сказаў Быкаў.
Паводле ягоных слоў, рыторыка Пуціна, які згадаў траплянне ў рай, падобная да рыторыкі Напалеона і Гітлера.
Ён таксама прачытаў сваё новае чатырохрадкоўе:
Не склонен я ни к битве, ни к труду,
Мое мировоззрение запутанно,
И, в общем, я надеюсь быть в аду
С условием, что там не будет Путина.