Пара мяняць лысую гуму: якія шыны прадаюць беларусы?
7- 19.10.2018, 19:03
- 17,088
Агляд другаснага рынку шын.
Надвор'е ў кастрычніку радуе беларусаў як ніколі. Цёплыя дні прымушаюць адкласці думкі аб сэзоннай змене шын на няпэўны тэрмін, але ўжо неўзабаве пытанне, якой гуме аддаць перавагу і як хутчэй зрабіць гэта да надыходу халадоў, пачне моцна хваляваць аўтааматараў, піша abw.by.
Не менш важны нюанс, які паўстане перад купляй: купіць новыя шыны або выпадзе знайсці годны варыянт ужываных сярод мноства аб'яў аб продажу? Мы не станем на яго адказваць, бо шмат для каго гэта падобна да рэлігіі.
У сённяшнім матэрыяле проста прааналізуем прапановы ўжываных шын, якія можна сустрэць на нашым сайце.
У нашай базе - 9670 аб'яў аб продажу шын, у 1248 з іх прапануюцца новыя покрыўкі. Таму адпраўляемся шукаць цікавыя варыянты.
Што да шын з 14-15-м дыямэтрам дыскаў, то камплект еўрапейскіх вырабаў такіх марак, як Michelin і Pirelli, можна набыць прыкладна за 120-140 даляраў.
Як абяцаюць у аб'яве аб продажу гумы Michelin, рэшткавая вышыня малюнка пратэктара складае 7 мм.
За камплект шын ад беларускага канкурэнта просяць 95 даляраў, пры гэтым зазначана, што рэшта пратэктара на іх складае 8 мм.
Расейскія шыны Cordiant такога ж памеру, як і два папярэднія варыянты, прадаюць за 103 даляры.
А вось кітайскую гуму памеру 185/70 R14 можна набыць толькі за 47 даляраў. Прадавец аддае шыны разам з жалезнымі дыскамі ад Mercedes W123, бонус - каўпакі ад Nissan.
Яшчэ адна аб'ява аб продажу гумы маркі "Белшына": мадэль Бел-187М памеру 165/65 R14 з заяўленай рэшткавай вышынёй пратэктара 6 мм можна купіць толькі за 30 даляраў.
Пераходзім да шын з 16-17-м дыямэтрам дыскаў.
За камплект шын такіх марак, як Barum (Polaris 3) і Continental (ContiWinterContact TS850), памерам 225/55 R17 і з рэшткавай вышынёй малюнка пратэктара 7 мм (Barum) і 5 мм (Continental) просяць 200 і 229 даляраў адпаведна.
Іх кітайскі аналаг нашмат таннейшы. Шыны Effiplus можна купіць за 80 даляраў.
Крыху даражэй будзе каштаваць камплект кітайскай гумы Goodride. Шырыня шын - 215 мм, вышыня - 55 мм, дыяметр R16. На жаль, інфармацыі аб рэшце пратэктара няма. Камплект з 4 такіх шын прадаюць за 114 даляраў.
Калі разглядаць гуму памерам 205/55 R16, можна знайсці наступныя варыянты.
Камплект шын Michelin каштавацьме 240 даляраў пры рэшткавай вышыні пратэктара 8 мм.
Беларускую гуму ў такім жа стане можна набыць за 130 даляраў. У абвестцы пазначана, што камплект выкарыстоўвалі дзве зімы. Мадэль Бел-207.
Яшчэ адна аб'ява пра продаж прадукцыі "Белшыны" - за камплект такой гумы трэба будзе заплаціць 150 даляраў.
Диаметр шины | Ширина/высота шины | Минимальная цена | Максимальная цена |
R14 | 165/65 | 30$ | 30$ |
R14 | 185/70 | 47$ | 47$ |
R15 | 185/65 | 140$ | 140$ |
R15 | 195/65 | 95$ | 120$ |
R16 | 205/55 | 131$ | 240$ |
R16 | 215/55 | 114$ | 114$ |
R17 | 225/55 | 80$ | 229$ |
R17 | 225/65 | 200$ | 200$ |